Расіяне нанеслі чатыры ракетныя ўдары і 57 авіяўдараў па ўкраінскіх пазіцыях і цывільных аб'ектах.
Расійская артылерыя 89 разоў абстраляла прыфрантавыя гарады. У выніку абстрэлаў была разбурана цывільная інфраструктура і шмат жылых дамоў. Ёсць загінулыя і параненыя сярод мірных жыхароў.
Расійскія войскі таксама змяняюць свае пазіцыі на Данбасе. Асабліва актыўна яны наступаюць на захад ад Бахмута і Аўдзееўкі. Нягледзячы на гэта, украінцам удалося адбіць 24 атакі ў бок Бахмута. За апошнія некалькі дзён расіяне прасунуліся больш чым на 4 кіламетры ў бок Ачарэтнага.
За мінулыя суткі ўкраінскія вайскоўцы таксама контратакавалі пазіцыі расійскіх войск, блокпасты ды склад з боепрыпасамі.
ПР/юл